Venerdì, 29 Marzo 2024

Chi e' on line

Abbiamo 107 visitatori e nessun utente online

CONCESSIONE DELLA ELEZIONE DEL PODESTA’ E DEL LIBERO COMMERCIO - LATINO

Indice articoli

SIXTUS PP V

Dilecti flii salutem et apostolicam benedictionem. Et vestra erga hanc Sedem singularis devotio, et mutua nostra charitas, qua nos communi patria, qua nos quoque nati sumus oriundos, quasi praecipuo quodam vinculo nobis coniunctos studiose complectimur, nos impellunt ut vestris commodis et honori benigne consolamus, supplicationibus itaque per dilectos filios oratores vestros nobis humiliter porrectis inclinati, vobis cunctis et singulis Univesitatibus Terrarum Montis Alti, Offidae, Sanctae Victoriae, Montis elpari, Montis rubiani, Montis flore, Montis Galli, Castignani, Fursae, Montis de novem, Patrignonis, Porchiae, Cosignani, Rotellae, quae sub nostro Praesidatu in Provincia Marchiae constitutae estis plenus ius, et liberam ac omnimodam facultatem eligendi perpetuis futuris temporibus vestro arbitrio vestrisque suffragiis in comuni conventu, et consilio, iuxta modum et formam iuris statutis praescriptum, seu praescribendum, sexto quoque mense a calendis Ianuarii proxime futuri incipiendo Potestatem vestrum, et dictarum Terrarum, qui postquam a nobis, vel pro tempore existente Rornano Pontifice, vel alio quopiam sufficienti ad id per sedem apostolicam facultate suffultu confirmatus fuerit, nec alias eam iurisdictionem exerceat, quae Potestatibus vestri Praesidatus pro tempore existentibus de iure, consuetudine, vel privilegio, aut alias quomodolibet competit, eundemque ad alios sex menses duntaxat continuandos, nec ad tempus diuturnius confirmandi, auctoritate praesentium perpetuo concedimus, decernentes quascunque electiones et deputationes Potestatis huiusmodi quavis auctoritate, etiam apostolica praeter, et contra formam vestrae electionis, vel antequam electio huiusmodi per vos celebrata fuerit, faciendas nullas, irritas et invalidas, nulliusque roboris et momenti existere, nec non irritum et inane quicquid secus super his a quoquam quavis auctoritate scienter vel ignoranter contigerit attentari. Praeterea vobis, et uniquique vestrorum, quod triticum, vinum, oleum, fruges. blada, legumina et quaecumque ad victum necessaria vestro arbitrio etiam tempore quo annonae caritas urget libere, et ad libitum inter vos, alter ab altero etiam eiusdem vel alterius Terrae seu districtus incola mutuo commercio invicem emere et vendere, illaque tam in agris per unumquenque vestrorum possessus collecta, quam empta extra quaecumque terram vel oppidum, districtum et territorium Praesidatus huiusmodi exportare, et ad aliam quacumque Terram et territorium eiusdem Praesidatus importare gratis imnino et absque alicuius Superioris et nostri et Camerae apostolicae Commissarii, vel Officialis licentia vel consensu, etiam sine aliqua bullettini vel licentiae, quoad extractionem vel emptionem huiusmodi expeditione libere et licite valeatis; quodque ad solvendum quicquam etiam pro salario Commissariorum, seu executorum et ministrorum etiam ballivorum, aut alias nuncupatorum quorumcumque etiam praefatae Camerae pro tempore existentium ultra constitutiones dictae Provinciae Marchiae, quas ad hunc effectm illarum tenores pro expressis habentes etiam innovamus minime teneamini, neque ad id a quoquam quavis dignitate et auctoritate fungendo, quovis praetextu aut quesito colore, vel ingenio cogi, aut compelli unquam possitis, aut debeatis perpetuo indulgemus. Atque idcirco venerabilibus fratribus firmanis et maceratensis ac asculanis modernis et pro tempore existentibus episcopis per eadem praesentes mandamus quatenus ipsi, vel duo aut unus eorum, quoties pro parte vestra fuerint requisiti praesentes literas solemniter publicantes, vobisque in praemissis efficacis defensionis praesidio assistentes, faciant vos eisdem praesentibus, et in eis contentis quibuscunque pacifice frui et gaudere, nec permittant vos desuper quoquo modo directe vel indirecte indebite molestari, contradictores per censuras et poenas ecclesiasticas, aliaque opportuna iuris et facti remedia, appellatione postposita, compescendo, legitimisque super his habendis servatis processibus censuras et poenas ipsas aggravando, invocato etiam ad hoc, si opus fuerit, auxilio brachii secularis. Non obstantibus constitutionibus et ordinationibus apostolicis, ac dictae Camerae dictarumque aut aliarum civitatum et oppidorum iuramento confirmatione apostolica, vel quavis firmitate alia roboratis statutis et consuetudinibus, privilegiis quoque indultis et literis apostolicis eidem Camerae, nec non eius Commissariis, Officialibus et ministris quomodolibet concessis, approbatis et innovatis; etiam similium vel dissimilium licentiarum, indultorum et gratiarum revocatoriis, etiam nuper editis; quibus omnibus illorum tenoris pro expressis habentes specialiter et expresse derogamus, coeterisque contrariis quibuscunque.

Datum Romae apud Sanctum Petrum sub anulo Piscatoris, die XXV junii MDLXXXV, pontificatus anno primo.

Epistolari

epistolari

La biblioteca

Bibliotheca

Proprieta' e dimore

villa montalto

Arte & Mecenatismo

Ritratto del Principe Miche

Opere

oristano

CELEBRAZIONI V CENTENARIO

celebrazioni v centenario

Bolle Bandi Avvisi e Brevi

Biblioteca-Angelica-060

Araldica Sistina

stemma peretti montalto

Immagine casuale

biglietto.jpg